پاکستان کھیڈاں سانگے محفوظ ملک بنڑ گیا ہے ،سری لنکا دی ٹیم دی آمد نال دنیا کوں واضح پیغا م گیا، اٹھ سال بعد سری لنکن ٹیم دی ولاپاکستان آمد تے بہوں خوشی ہے ،
اسلام آباد ۔ 30 اکتوبر (اے پی پی) وفاقی وزیربین الصوبائی رابطہ ریاض حسین پیرزادہ نال سری لنکن وزیر کھیڈ دیا شری جیاسکارا سنوا کوںاتھاں ملاقات کیتی۔ ملاقات دے دوران ڈوہیں ملکاں وچال کرکٹ سمیت بئے کھیڈاں اچ رابطے ودھاونڑ دا جائزہ گھدا گیا ۔ایں موقع تے وفاقی وزیر بین الصوبائی رابطہ ریاض پیر زادہ آکھیا جو پاکستان کھیڈاں سانگے محفوظ ملک بنڑ گیا ہے ،سری لنکن کرکٹ ٹیم دی پاکستان آمد نال دنیا کوں واضح پیغام گیا ۔ انہاں آکھیا جوپاکستان کھیڈاں نال محبت کرنڑ آلا ملک ہے۔انہاں آکھیا جو ڈو ہی تاں ملک جتھاں پاکستان کوں محبت ملدی ہے ترکی تے سری لنکا ،اساں سری لنکا کوں دعوت ڈتی جو اپنڑے کھلاڑیاں کوں پاکستان بھیجو ،اساڈا سری لنکا دے نال دل دا رشتہ ہے ،اساں بئے کھلاڑیاں اچ وی سری لنکا دے نال رابطے ودھیسوں ۔زمبابوے دے نال وی اساڈا تعلق ہے ایندی ٹیم وی پاکستان آﺅسی ۔انہاں آکھیا جو اتھاں غیر ملکی کھلاڑیاں دا آونڑاں شروع تھی گیا ہے ،اتھاں غیر ملکی کھلاڑیاں دے کھیڈنڑ نال پاکستان دے خلاف پروپیگنڈہ مک ویسی پاکستا ن دا اصل چہرہ ساریں کوں نظر آندا پے ۔ملاقات دے دوران سری لنکن وزیر وزیر کھیڈ دیا شری جیا سکارا آکھیا جو سری لنکن کرکٹ ٹیم دی پاکستان آمد تے سیکورٹی دے چنگے انتظامات کیتے گے ۔انہاں آکھیا جو بئے ملکاں دیاں ٹیماں وی بغیر کہیں ڈ رتے پاکستان آیاں ۔ پاکستان کھیڈاں سانگے محفوظ ملک ہے ۔پاکستان اچ کرکٹ دا جنون ہے ۔انہاں آکھیا جو اگی تے وی کرکٹ کھیڈنڑ سانگے پاکستان آﺅسوں ۔
.jpg)
