ربیع الاول دی مناسبت نال شان رحمت اللعالمینؐ ویڈیو کانفرنس وݙی اہمیت رکھیندی اے وفاقی وزیر مذہبی امورو بین المذاہب ہم آہنگی

فیصل آباد۔13اکتوبر (اے پی پی):وفاقی وزیر مذہبی امورو بین المذاہب ہم آہنگی پیر نور الحق قادری آکھیے جو پیغام پاکستان سارے مکاتب فکر دے سینکڑاں جید علماکرام دا متفقہ اعلامیہ اے جݙاں جو عشرہ شان رحمت اللعالمینؐ ؐمناوݨ حکومت پنجاب دا اہم ترین اقدام تے ربیع الاول دے مقدس ایام دی مناسبت توں شان رحمت اللعالمینؐ ویڈیو کانفرنس ممتاز و نمایاں اہمیت دی حامل اے جیڑھی جو اساکوں اے درس ݙیندی اے جو اساں آپݨی زندگی کوں اسوہ رسول ؐ دے مطابق ڈھال تے سارے مسئلیں دا حل کڈھ سڳدوں ۔بدھ کوں گورنمنٹ کالج فار وومن یونیورسٹی فیصل آباد اچ شان رحمت اللعالمینؐ ویڈیوکانفرنس توں خطاب اچ انہاں آکھیے جو عشرہ رحمت اللعالمینؐ دی تقریبات دے موقع تے پیغام پاکستان متعلق عوام اتے خصوصاً طالبات و خواتین اچ آگاہی پیدا کرتے اساں ھک ایجھے معاشرے دی تشکیل ممکن بݨیندے پیوں جیڑھی جو رواداری اتے برداشت تے مبنی اے۔انہاں آکھیے جو پیغام پاکستان دا متفقہ اعلامیہ آئین پاکستان دے بعد ساریں توں وݙا تے اہم کم اے ، انہاں آکھیے جو نبی کریمؐ دی سیرت طیبہ اتے انہاں دی تعلیمات اساں ساریں کیتے عملی نمونہ ہے جیں کوں انگریزوی رول ماڈل دا ناں ݙیندن لہٰذا اساکوں سیرت طیبہؐ کوں عملی طور تے آپݨی زندگی اچ اپناوݨا چاہیدے ۔

مضمون کا ماخذ : ہیوگو 2

متعلقہ مضامین