عمران خان دی گرفتاری قانون دی حکمرانی ثابت کریندی اے، کہیں وی بندے کوں قانون اتے آئین توں اُتے نی سمجھیا ونڄ سڳدا، سید امین الحق

اسلام آباد۔9مئی (اے پی پی) وفاقی وزیر برائے انفارمیشن ٹیکنالوجی سید امین الحق آکھیا جو عمران خان دی گرفتاری قانون دی حکمرانی ثابت کریندی اے، کہیں وی بندے کوں قانون اتے آئین توں اُتے نی سمجھیا ونڄ سڳدا۔ جمہوریت دا ساریاں توں وݙا منبع پارلیمنٹ اے، ایں تے حملہ کرݨ آلے قانون دے کٹہرے اچ آوݨے چاہیدن۔ اے ڳالھیں انہاں منگل کوں ہک مقامی ہوٹل اچ بین الاقوامی سرچ انجن گوگل ولوں ہک تقریب اچ شرکت دے موقع تے میڈیا نال ڳالھ مہاڑ کریندیں ہوئیں آکھی۔ وفاقی وزیر آکھیا جو عمران خان دی گرفتاری دی خبر کوئی حیرانی دی ڳالھ نی۔ سیاسی رہنما پہلے وی گرفتار تھیندے رہین، عمران خان کوں گرفتار کر ڳھدا ڳے تاں پریشانی دی ڳالھ نی۔ ہک سوال دے جواب اچ انہاں آکھیا جو کہیں بندے کوں جمہوریت اتے جمہوری اداریاں تے مسلط نی تھیوݨ ݙتا ونڄ سڳدا۔

مضمون کا ماخذ : ریل رش

متعلقہ مضامین