اپوزیشن عدم اعتماد توں بھڄدی پئی اے تے فراراختیار کریندی پئی اے ، وزیر داخلہ شیخ رشید احمد دی پریس کانفرنس

اسلام آباد۔11مارچ (اے پی پی):وزیرداخلہ شیخ رشید آکھیے جوعدم اعتماد جمہوریت دا حصہ اے لیکن ہݨ اپوزیشن آلے عدم اعتماد توں بھڄدے پئن ، عدم اعتماد توں پہلے او اسلام آباد اچ کوئی ہنگامہ کرݨ چاہندن ، زرداری اتے نواز شریف مولانا فضل الرحمٰن کوں استعمال کریندے پئن ، ووٹنگ دے ݙینھ پارلیمنٹ ہاؤس اتے لاجز کوں رینجر اتے ایف سی دے حوالے کریندے پئن ، ملیشیا دے لباس اچ آوݨ آلیں کوں نہ چھوڑیا ویسی ، قانون کوں ہتھ اچ گھنݨ آلیں دے خلاف سخت کارروائی کریسوں ۔جمعہ کوں اتھاں پریس کانفرنس توں خطاب کریندے ہوئیں وزیر داخلہ آکھیے جو گزریل ݙینھ جیڑھا واقعہ تھئے ایندی مذمت کریندوں ،انصار الاسلام آئین دے آرٹیکل 256دے تحت تحلیل کیتی ڳئی اے ، پارلیمنٹ لاجز اچ 362فیملیز رہائش پذیر ہن، 50 لوکاں کوں لاجز اچ داخل کیتا ڳئے ،اساں 5 گھنٹے مذاکرات کیتے، کامران مرتضیٰ پولیس متعلق انتہائی نازیبا زبان استعمال کیتی، پولیس تے تشدد کیتا ڳئے تے 6 لوک زخمی تھئے، پولیس آلے انہاں دی ٹھوڑی کوں ہتھ لاتے منتاں کریندے رہیے اساں کہیں دے خلاف دہشت گردی دا مقدمہ نی بݨایا ، ہلکے پرچے ݙتے ، قانون کوں ہتھ اچ ڳھدا تاں اڳلی واری دہشتگردی دے پرچے تھیسن ۔

مضمون کا ماخذ : Raging Rhino

متعلقہ مضامین