اسلام آباد۔2دسمبر (اے پی پی) وفاقی کابینہ پرتشدد انتہاپسندی کوں روکݨ دی قومی پالیسی 2024 دی منظوری ݙے ݙتی اے جڈانجو متعلقہ وزارت اتے عدالتی احکامات تے خصوصی عدالتاں دی حدود، دائرہ کار اچ تبدیلی، سپیشل کورٹس (کسٹمز، ٹیکسیشن اینڈ اینٹی سمگلنگ) کوئٹہ اتے خضدار دے دائرہ کار اچ تبدیلی اتے ایڈیشنل سیشن ججز اتے ݙوجھی متعلقہ عدالتاں کوں لائرز ویلفیئر اینڈ پروٹیکشن ایکٹ 2023 دے تحت مقدمے سݨݨ دا اختیار ݙیوݨ دی منظوری ݙتی اے۔ سنوار کوں وزیر اعظم آفس دے میڈیا ونگ توں جاری پریس ریلیز موجب وزیراعظم محمد شہباز شریف دی صدارت وفاقی کابینہ دا اجلاس وزیراعظم ہاؤس اچ تھیا۔ وفاقی کابنہ وزارت تجارت دی سفارش تے مونو سوڈیم گلوٹامیٹ (اجینو موتو) دی درآمد توں پابندی چاوݨ دے سپریم کورٹ آف پاکستان دے فیصلے تے نظر ثانی درخواست دائر کرݨ دی منظوری ݙے ݙتی۔ کمیٹی آپݨی رپورٹ اچ مونو سوڈیم گلوٹامیٹ کوں انسانی صحت کیتے محفوظ قرار ݙے ݙتے۔ ایں کمیٹی اچ پاکستان سائنٹیفک اینڈ انڈسٹریل ریسرچ، نیشنل ایگریکلچر ریسرچ سینٹر ، نیشنل یونیورسٹی آف سائنسز اینڈ ٹیکنالوجی ، انسٹی ٹیوٹ آف فوڈ اینڈ نیوٹریشنل سائنسز، وفاقی وزارت قومی غذائی تحفظ و تحقیق ، پاکستان سٹینڈرڈز اینڈ کوالٹی کنٹرول اتھارٹی اتے سرمایہ کاری بورڈ دے نمائندگان شامل ہن۔وفاقی کابینہ وزارت وفاقی تعلیم و فنی تربیت دی سفارش تے یونیورسٹی آف کیمبرج،سینٹ انٹونیز کالج یونیورسٹی آف آکسفورڈ، یونیورسٹی آف جارڈن، پیکنگ یونیورسٹی چین ، یونیورسٹی آف ہائیڈل برگ جرمنی اچ پاکستان چیئرز بارے مفاہمتی یادداشتاں دی تجدید دی منظوری ݙے ݙتی۔وفاقی کابینہ وزارت وفاقی تعلیم و فنی تربیت دی سفارش تے سینٹر آف ایکسیلنس یونیورسٹی آف انجینئرنگ اینڈ ٹیکنالوجی لاہور دے بورڈ آف گورنرز اچ ڈاکٹر حبیب الرحمٰن اتے ڈاکٹر کامران انصاری دی بطور سبجیکٹ ایکسپرٹس نامزدگی دی منظوری ݙے ݙتی۔وفاقی کابینہ وزارت وفاقی تعلیم و فنی تربیت دی سفارش تے سینٹر آف ایکسیلنس ان منرالوجی ، یونیورسٹی آف بلوچستان کوئٹہ دے بورڈ آف گورنرز اچ ڈاکٹر ممتاز محمد شاہ اتے ڈاکٹر محمد احمد فاروقی دی بطور سبجیکٹ ایکسپرٹس نامزدگی دی منظوری ݙے ݙتی۔وفاقی کابینہ وزارت داخلہ دی سفارش تے اسلام آباد سینٹرل بزنس ڈسٹرکٹ ڈویلپمنٹ اتھارٹی ٻݨاوݨ بارے تجویز دی اصولی منظوری ݙے ݙتی۔ وفاقی کابینہ وزارت داخلہ دی سفارش تے پر تشدد انتہاپسندی کوں روکݨ دی قومی پالیسی 2024 دی منظوری ݙے ݙتی۔ وفاقی کابینہ وزارت قانون و انصاف دی سفارش تے سندھ ہائی کورٹ کراچی دے احکامات دی روشنی اچ خصوصی عدالتاں دی حدود/دائرہ کار اچ تبدیلی دی منظوری ݙے ݙتی۔ وفاقی کابینہ وزارت قانون و انصاف دی سفارش تے اتے معزز بلوچستان ہائی کورٹ ، کوئٹہ دے احکامات دی روشنی اچ سپیشل کورٹس (کسٹمز، ٹیکسیشن اینڈ اینٹی سمگلنگ) کوئٹہ اتے خضدار دے دائرہ کار اچ تبدیلی دی منظوری ݙے ݙتی۔ وفاقی کابینہ وزارت قانون و انصاف دی سفارش اتے پشاور ہائی کورٹ، لاہور ہائی کورٹ،اسلام آباد ہائی کورٹ،سندھ ہائی کورٹ کراچی،بلوچستان ہائی کورٹ کوئٹہ دے احکامات دی روشنی اچ ایڈیشنل سیشن ججز اتے ݙوجھی متعلقہ عدالتاں کوں لائرز ویلفیئر اینڈ پروٹیکشن ایکٹ 2023 دے تحت مقدمات سݨݨ دا اختیار ݙیوݨ دی منظوری ݙے ݙتی اے۔
